Bassasöngvari og leikstjóri með áratuga reynslu í óperu og tónlistarleikhúsi
Sem óperusöngvari er Bjarni Thor þekktur fyrir sterka sviðsnærveru, dökka og hljómmikla rödd og skýran textaframburð. Hann er jafnvígur á dramatík og kómík og leggur áherslu á að tónlist, leikur og persónusköpun myndi eina heild.
„Óperur eiga erindi við okkur öll, en ekki endilega við öll í einu né heldur fyrir öll á sama hátt“
Í uppfærslum sínum hefur Bjarni Thor verið óhræddur við að fara óhefðbundnar leiðir og stíga „út fyrir rammann“ þegar viðfangsefnið hefur kallað á það. Sú nálgun hefur oft gert óperuverk aðgengilegri fyrir fjölbreyttari hóp áhorfenda, jafnt vana óperuunnendur sem og þá sem sjaldan eða aldrei sækja óperusýningar.
